Nesër gjyqi i radhës. Kështu e nis postimin e tij në Facebook, Shefi Organizativ i Partisë Demokratike , Klevis Balliu.
Bëhet fjalë për një nga qindra gjyqe dhe procedime që janë regjistruar në emër të tij dhe të dhjetëra qytetarëve të tjerë të Tiranës, kryesisht banorë të Unazës së Re, të cilët dy vite më parë ishin në krye të protestave për të mbrojtur të drejtat e tyre të nëpërkëmbura.
Procedimet janë regjistruar pas kallëzimeve me indicie të bëra nga Policia e Tiranës. Ndërkohë pas tyre ashtu sikundër edhe e pasqyron në shkrim Balliu, qëndron dora e fshehtë e atij që ai e quan lali i inceneratorëve .
Ndërsa i konsideron gjyqe politike dhe të urdhëruara, Balliu shton se nuk e ndalin presionet dhe se nuk do ngurronte të shkonte në gjyqe të tilla sa herë në lojë do të ishin interesat e qytetarëve.
Kujtojmë se për gati një vit rresht, banorët e Unazës së Re protestuan kundër shembjes së banesave dhe devijimit të projektit për rrugën që i prekte, teksa një pjesë e mirë nuk morën as dëmshpërblim.
Seanca zhvillohet nesër në orën 12:30 minuta.
Postimi
Lali inceneratori nuk e ndal dot me gjyqe politike ndryshimin.
Nesër unë dhe disa qytetarë të Tiranës kemi gjyqin e radhës në orën 12:30.
Presionet politike nuk më shqetësojnë.
Nëse do më duhet të shkoj në qindra gjyqe politike për të mbrojtur interesin qytetar, e shoh si nder dhe privilegj.
Në një gjyq ku unë jam në krahun e qytetarëve dhe Veliaj krah Salillarëve smë shqetëson aspak.
Përkundrazi më motivon.
Në fakt edhe këto procese Enveriste ndaj qytetarëve vërtetojnë atë çka kemi denoncuar gjatë gjithë kësaj kohe.
Rama është kryetar i një regjimi të hajdutërisë fondamentaliste të ideologjise së korrupsionit dhe mafies me kostume politike.
Shihemi nesër për të 100 herë nga shkallët e drejtësisë së pavarur të inceneratorëve.
