Më shumë se gjysma e deputetëve konservatorë tani mbështesin Rishi Sunak për udhëheqës partie dhe kryeministër të ardhshëm të Britanisë së Madhe.
The Guardian shkruan se Sunak ka siguruar mbështetjen publike të më shumë se gjysmës së deputetëve konservatorë përpara afatit përfundimtar të regjistrimeve të kandidaturave, që është sot në orën 14:00.
Mësohet se janë 182 deputetë që mbështesin Sunak si kryeministër të Britanisë, çka do të thotë se ka siguruar 51% të numrit të përgjithshëm të konservatorëve.
Të shumtë janë deputetët konservatorë të cilët “braktisën” Boris Johnson dhe tashmë mbështesin Sunak, duke përfshirë ministrat aktualë ose ish-ministrat e kabinetit si James Cleverly, Nadhim Zahawi dhe Priti Patel.
