Xi Jinping është konfirmuar si lider i Kinës për një mandat të tretë historik. Xi dhe gjashtë anëtarët e Komitetit të ri të Përhershëm të Byrosë Politike sapo kanë dalë në skenë. Anëtarët dolën pas Xi sipas renditjes:
Li Qiang – ai është kryeministri i ri, duke zëvendësuar Li Keqiang
Zhao Leji
Ëang Huning
Cai Qi
Ding Xuexiang
Li Xi
Xi Jinping iu drejtua mediave, duke thënë se partia dje përfundoi me sukses kongresin e saj, “duke mbajtur lart flamurin, duke mbledhur forcën dhe duke ecur përpara në unitet”.
Ai gjithashtu vuri në dukje se bashkësia ndërkombëtare e ka ndjekur kongresin “me shumë interes” dhe krerët e shteteve kanë dërguar mesazhe dhe letra urimi dhe i ka falënderuar të gjithë.
Më pas ai prezantoi formacionin e tij të ri në komitetin e përhershëm të Byrosë Politike.
Ai shtoi se vendi e ka arritur qëllimin e tij për të krijuar një “shoqëri mesatarisht të prosperuar”.
“Tani ne po ndërmarrim hapa të sigurt në një rrugëtim të ri për ta kthyer Kinën në një vend socialist modern në të gjitha aspektet. Për të përparuar drejt qëllimit të dytë të njëqindvjetorit dhe për të përqafuar përtëritjen e madhe të kombit kinez në të gjitha frontet, për një rrugë kineze drejt modernizimit,” tha ai.
Ai tha se vendi do të vazhdojë të ndërtojë “një shoqëri moderne socialiste dhe një ndërmarrje të madhe pasi madhështia është ajo që e bën atë të madh dhe pafundësisht të lavdishëm.”
