Policia e Tiranës ka arrestuar 3 të rinj pas finalizimit të një operacioni kundër lojërave të fatit.
“Në pranga janë rënë shtetasit me iniciale V. B., 25 vjeç, E. D., 24 vjeç dhe A. K., 33 vjeç, të tre banues në Tiranë pasi gjatë kontrolleve në një lokal në Shkozë janë kapur duke vendosur baste sportive përmes celularëve”, njofton policia.
Në cilësinë e provës materiale u sekuestruan 3 aparatet celulare. Materialet procedurale i kaluan Prokurorisë, për veprime të mëtejshme.
