Regjimet diktatoriale janë të ndërtuara në atë formë që edhe lufta brenda llojit është tepër e ashpër.
Shembulli më i qartë vjen nga Kina, aty ku ish-Presidenti Hu Jintao është nxjerrë me forcë nga salla gjigande ku zhvillohej Kongresi i Partisë Komuniste që e mandatoi edhe për 5 vite të tjera Xi Jiping në Presidencë.
Edhe pse Jintao ishte ulur në krahun e majtë të Xi, ai u nxorr jashtë qartazi pa dëshirën e tij, me Presidentin që dhuroi disa mimika të çuditshme në momentin e shoqërimit të parardhësit nga rojet e sigurisë.
Sipas mediave ndërkombëtare ish-presidenti 79-vjeçar (që drejtoi vendin nga 2003 deri në 2013), arriti t’i thoshte disa fjalë Xi Jinping dhe kryeministrit të vendit, Li Keqiang, teksa i preku supin presidentit kinez përpara se të dilte jashtë.
At the Congress of the Communist Party of #China there was an unpleasant incident: The former leader of China, 79-year-old #HuJintao was escorted out of the hall by men in civilian clothes.
The cause of the scandal could be political differences between Hu Jintao and Xi Jinping. pic.twitter.com/55n7JnHtYU
— NEXTA (@nexta_tv) October 22, 2022
Skena nuk u shpjegua dhe as nuk u transmetua nga media shtetërore e Kinës.
Kujtojmë se Partia Komuniste e Kinës përmbylli sot në Pekin kongresin e saj të njëzetë, i cili vulosi kurorëzimin e Presidentit Xi Jinping për të tretin mandat radhazi si lider i partisë dhe shteti.
“Guxoni të luftoni për fitore”, tha pas triumfit Sekretari i Përgjithshëm i partisë dhe Presidenti i vendit në fjalimin e tij në ceremoninë e mbylljes në Pallatin e Popullit, ndërtesa masive e stilit sovjetik që dominon sheshin e gjerë Tiananmen.
