Prej disa ditësh i gjithë territori Shqiptar po dominohet nga kushtet e qëndrueshme atmosferik, ku edhe sot do të vijojnë kthjellimet të jenë mbizotëruese gjatë paradites në pothuajse gjithë vendin.
Sipas MeteoAlb, në zonat malore do të ketë kalime të pakta vranësirash, të cilat më të dukshme do të jenë në zonat e thella malore.
Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 7 gradë Celsius deri në 27 gradë Celsius.
Era do të fryjë e lehtë dhe mesatare me shpejtësi 40 km/h nga drejtimi jugor duke krijuar në det dallgëzim 3 ballë.
