Ndarja e Blero Muharremit dhe Afrona Dikës u komentua kudo në rrjete sociale, sidomos pas thumbave që dyshja i bënin njëri-tjetrit edhe pse ende nuk e kishin konfirmuar ndarjen.
Pak ditë më parë, këngëtari vendosi ta pranonte publikisht atë që publiku dinte prej kohësh.
Së fundmi, ky lajm ka përfshirë edhe ish-gruan e Bleros, Teuta Krasniqin, e cila në një intervistë të dhënë për “Mirage” është ngacmuar në lidhje me ndarjen e ish-partnerit të saj.
“Nuk e di sa jam unë në pozitë për ta komentuar, jo vetëm kjo, por secila ndarje, një çift që ka qenë bashkë,me u nda…Shikoni askush nuk martohet për tu ndarë. Ajo vjen shpesh me arsye më të mëdha, nganjëherë me arsye më të vogla që dinë të bëhen të mëdha. Natyrisht kur sheh që një çift ka përfunduar me ndarje, të gjithë ndiejnë keqardhje. Ndonjëherë pas asaj keqardhje duhet të shihen anët pozitive”– tha Teuta Krasniqi për “Mirage”.
