Pablo Martín Paez Gavira, i njohur nga të gjithë si Gavi, pas fitoi trofeun Kopa në galanë e Topit të Artë, është edhe fituesi i Golden Boy 2022 .
Lajmi është bërë i ditur nga gazeta ‘Tuttosport’, e cila ia akordon këtë çmim edhe lojtarit më të mirë U21 në Evropë.
Mesfushori i Barcelonës mundi lojtarin e Real Madridit, Eduardo Kamavinga (19 vjeç), Xhud Belingam (19 vjeç) nga Borusia Dortmund dhe Xhamal Musiala (19 vjeç) nga Bajern Mynih.
Kjo është hera e parë që dy lojtarë nga e njëjta skuadër fitojnë këtë çmim në dy vite radhazi, pasi vjet fituesi ishte Pedri Gonzales.
Gavi është spanjolli i katërt që fiton këtë çmim, i krijuar në 2003 dhe i votuar nga gazetarë nga e gjithë Evropa, pas Çesk Fabregas (2006) me Arsenalin, Isko Alarkon (2012) me Malagën dhe Pedri Gonzales (2021) me Barçën.
