Kryetari i Partisë Demokratike, Sali Berisha ka hedhur akuza të forta në drejtim të Policisë së Shtetit dhe Agjencisë së Mbikëqyrjes Policore, që drejtohet nga Ardi Veliu se po fshehin dhunën që është ushtruar ndaj 32-vjeçarit Laer Kurti nga patrulla, në duart e të cilëve edhe ndërroi jetë.
Sipas Berishës ngjarja është thuajse e ngjashme me vrasjen e Klodian Rashës më 8 dhjetor 2020 nga ish-efektivi i “Shqiponjave” Nevaldo Hajdaraj, për nga mënyra sesi po trajtohet dhe pin-pongu midis institucioneve për të ngecur fajin, për vdekjen e të riut.
Kreu i PD denoncon përdorimin e epiteteve dhe sajimin e historive rreth viktimës nga ana e Uniformave Blu, duke e dënuar si një strategji të tyre për të fshehur përgjegjësinë mbi ngjarjen e rëndë.
“Policia e drogës, me të njëjtin raport si të rastit Rasha edhe për 32 vjecarin Kurti! Përdorues droge dhe me sëmundje të epilepsisë, në fakt ata që e njohin e dinë shumë mirë që Laeri nuk ishte as përdorues droge dhe as me sëmundje shoqëruese! Monstrat, pasi të vrasin, të vendosin edhe epitete të ZEZA! Kamikazi Ardi Veliu, pasi ekzekutoi mbas shpine Klodian Rashën, i vendosi edhe pistoletë në dorën e viktimës, më pas e etiketuan si përdorues droge dhe i sëmurë me epilepsi, të njëjtën gjë po bënë edhe me 32-vjeçarin që policia vrau mbrëmë. Ky kamikaz, në rastin e parë, ishte drejtor i policisë, sot është shefi Kontrollit të Mbikëqyrjes Policore!”, shkruan Berisha në Facebook.
Më tej kreu i selisë blu ndan edhe mesazhet e mbërritura në adresë të tij nga qytetari dixhital:
*Mirdita Doktorr Leart Kurti te cilit xhelatët e Rames dhe Çuçit i morën shpirtin ishte djalë i vetëm i një familje te ndershme, te varfër. Krim i shëmtuar. Thuhet se kriminelet i morën shpirtin duke e shtypur me makine!
*Përshëndetje dr Ne lidhje me shoqërimin e shtetasit Lear Kurti mbrëmë ne Komisariatin e Policisë 3 per verifikim e qe si pasoje gjeti vdekjen nga veprimet antiligjore te punonjësve te policisë qe kryen veprimet. Komunikata e policisë bie ndesh me njoftimin e spitalit te Traumës se shtetasi Lear Kurti ndrroj jete ne spital, por spitali hedhe poshtë këtë pretendim duke konfirmuar se shtetasi erdhi pa shenja jete. Policia ka shkelur procedurat standarde te punës për mënyrën si ka vepruar me verifikimin e kontrollin e shtetasit pa asnjë shkak e arsye, dhe nga burime ne momentin e shoqerimit dhe ndalimit policia ka ushtruar dhune e presion te forte psikologjik, dhe pasi i ndaluri ka kerkuar ndime per spital, punonjesit e policisë e kane shoqëruar ne Komisariat ku ka ardhe dhe pasoja e vdekjes. Ngjarja po mbahet nen kontroll nga drejtuesit e Policis dhe AMF per te kontrolluar informacionin.
