Një 54-vjeçar është gjetur i varur në një pemë pranë banesës këtë mbrëmje, në një fshat në Berat, informoi policia. Sipas bluve, dyshohet se ai i ka dhënë fund jetës.
“Në fshatin Veterik është gjetur nga familjarët, pa shenja jete, dyshohet i vetëvarur, në një ullishte në afërsi të banesës së tij, shtetasi P.P., 54 vjeç. Nga këqyrja paraprake e trupit nuk janë konstatuar shenja dhune”, thuhet në njoftimin e policisë lokale.
Grupi hetimor, nën drejtimin e Prokurorisë pranë Gjykatës së Rrethit Gjyqësor Berat, po punon për zbardhjen e rrethanave të ngjarjes, shtuan të njëjtat burime.
