Protothema.gr ka publikuar dëshminë e nënës së 12-vjeçares që është përdhunuar për dy vite me radhë nga 53-vjeçari, Ilias Mihos.
Ky i fundit përveç se e ka përdhunuar të miturën e ka shfrytëzuar për prostitucion, në këmbim të pagesës.
Në prangat e policisë ka rënë edhe nëna e 12-vjeçares, pasi autoritetet greke dyshojnë se e ëma ka bashkëpunuar me Ilias Mihos, duke ekspozuar të bijën e saj në prostitucion.
Megjithatë ajo mohon të ketë gisht në përdhunimin e të bijës teksa thotë se nuk ka qenë në dijeni të makthit që po kalonte 12-vjeçarja.
Ndër të tjera nëna e 12-vjeçares bën me dije se ka punuar si sanitare në dyqanin e 53-vjeçarit dhe se në disa raste ka marrë me vete edhe të miturën.
Ajo thotë se e bija shkonte shpesh te dyqani i Ilias pas shkolle, tre deri në katër herë në javë, teksa thekson se kishte 100% besim të 53-vjeçari.
“Ai me hidhte hi syve”, ka pohuar e ëma mes lotësh.“Kam tetë fëmijë, nuk kam abortuar kurrë në jetë dhe këto ditë që jam pa ta vuaj. Mbrëmë isha në qendrën e paraburgimit dhe dëgjova dikë nga që thoshte se vajza ime është pu*** , doja të shkoja ta rrihja. Gjatë gjithë këtyre ditëve flas çdo ditë me fëmijët e mi dhe fëmijët e mi qajnë dhe më kërkojnë. Unë nuk kam faj për asgjë, do të vras veten pa fëmijët e mi. Unë i dua të gjithë fëmijët e mi dhe ata më duan mua”, citohet të ketë thënë nëna e 12-vjeçares.
