Karim Benzema, mbrëmjen e djeshme u shpall futbollisti më i mirë i vitit duke fituar çmimin e “Topit të Artë” për herë të parë në karrierën e tij.
Kompania e veshjeve sportive “Adidas”, e cila është dhe sponsori teknik i Realit të Madridit, ka dizenjuar një fanellë speciale për bomberin francez.
Fanella me numrin “9” është e larë me gërma të arta, ndërsa në brendësi të numrit që Benzema mban me fanellën e Realit të Madridit, ka imazhe të tij.
Aktualisht me Realin në La Liga në këtë sezon, 34-vjeçari është aktivizuar gjithsej në 6 ndeshje duke shënuar 4 gola dhe asistuar 1 herë.
