Kryetari i Partisë Bashkimi për të Drejtat e Njeriut, Vangjel Dule, komentoi në “Radarin Informativ” në ekranin e Abc me moderator Juli Xhokaxhi situatën aktuale të opozitës, e cila mesa duket do të bashkëpunojë për të nxjerrë kandidat të përbashkët për zgjedhjet lokale që do të zhvillohen pranverën e vitit të ardhshëm.
Dule shprehet i bindur se opozita duhet bashkëpunojë për t’i dhënë fund dramës së pushtetit vendor monopartiak në Shqipëri.
Dule thotë se pavarësisht përçarjes së PD-së, gjërat do të marrin një rrjedhë të mirë për sa i përket opozitës.
Sigurisht nuk munguan as akuzat për mazhorancën. Dule thotë se PD nuk është në gjendje të fitojë zgjedhje të ndershme.
Ndërsa ndalet te fenomeni i patronazhistëve. Dule tha se telefonatat nga patronazhistët e fisit kanë nisur që tani.
“Kemi një mision të vështirë por të mundur. Ti japim fund dramës të pushtetit vendor monopartiak. Opozita mos ta aplikojë asnjëherë bojkotin në asnjë proces zgjedhor. Duhet të japim alternativë, si do të jemi ne ndryshe në administrimin e pushtetit vendor. Jam optimist mes një situate të zymtë. Mes PL dhe PD ka akord për bashkëpunim. Jemi të gjithë me frymëmarrje të ndërprerë për produktin e negocimit Bardhi-Paloka që shpresoj të jetë pozitiv. Qytetari e ka humbur besimin. Duhet të flasin veprat më shumë se sa fjalët. PS nuk është në gjendje të fitojë zgjedhje të ndershme. Që tani kanë nisur mesazhet e patronazhistëve, patronazhisti i fisit, këtu mbahet në këmbë në këmbë një qeveri e cila është autarkike. Ka nisur mbledhja e kartave ID për kontrollin e votave“, tha Vangjel Dule.
