Një 42-vjeçar, banues në Tiranë është arrestuar nga policia këtë të Hënë.
Blutë njoftojnë se shtetasi A.H., u kap në flagrance në një lokal, duke vënë baste sportive, nëpërmjet aparatit celular.
“Specialistët e Seksionit për Hetimin e Krimeve të Komisariatit të Policisë Nr. 1, në vijim të punës për evidentimin dhe goditjen e veprimtarive të kundërligjshme në fushën e lojërave të fatit, kanë evidentuar dhe goditur 1 rast të vënies së basteve sportive, nëpërmjet aparateve celulare. Në përfundim të veprimeve, u arrestua në flagrancë shtetasi: A. H., 42 vjeç, banues në Tiranë. Si rezultat i kontrolleve të pandërprera të ushtruara nga shërbimet e Policisë, ky shtetas u kap në flagrancë, në një lokal, duke vënë baste sportive, nëpërmjet aparatit celular, i cili u sekuestrua në cilësinë e provës materiale”, njofton policia.
Materialet procedurale i kaluan Prokurorisë, për veprime të mëtejshme.
