Ambasadorja e BE-së Christiane Constanze Hohmann ,në mbledhjen e Këshillit Kombëtar për Integrimin, ka shprehur shqetësimin e e saj për projektligjin e Amnistisë Fiskale që propozon qeveria.
Sipas ambasadores, ndjekja e një linje jashtë direktivave të BE për legalizimin e parave të jashtëligjshme do të rrezikonte negociatat për anëtarësimin në union.
“Lidhur me luftën kundër korrupsionit, raporti vëren se është bërë një farë progresi, në fakt gjykata ka dhënë një sërë vendimesh të rëndësishme për zyrtarë të nivelit të lartë. Por mbetet një shqetësim serioz, ka vullnet politik dhe përpjekje strukturore dhe aftësi të nevojshme që mbetet për t’i pasur. Një gjë tjetër është sekuestrimi i aseteve të krimit të organizuar. Lidhur me luftën kundër pastrimit të parave. Shqipëria mbetet në juridiksionin e monitorimit të shtuar. Komisioni vlerëson se një amnisti jashtë rregullores së BE-së do të rrezikonte integrimin. Të ruhet, të vazhdohet të konsolidohet progresi dhe të zhvillohet më tej bilanci”, tha ambasadorja.
Më tej ajo u ndal te problematikat në drejtësi, duke shtuar: “Raporti shënon një progres të mirë në përgjithësi për gjyqësorin, në vijim të emërimit të gjyqtarëve të rinj, gjykata e lartë ka ulur ngarkesën për herë të parë në gjashtë vjet. Por ndikohet negativisht nga kohëzgjatja dhe ngarkesa e madhe e çështjeve të prapambetura. Kërkohet një aksion vendimtar për të ngritur një aksion modern për një hartë të re gjyqësore”.
