Dritan Mehmeti është i ftuar në studion e emisionit “Ora Sport“ në “Ora TV“, ku ka treguar detaje për punën që trajnerët bëjnë në ekip dhe këtu bëhet fjalë për atë që ndodh jashtë 90 minutëshit të lojës. Ish-kreu i pankinës së Partizanit zbulon se sheh ndeshjet e kundërshtarëve për të përgatitur video-analizën, e cila mund të jetë edhe individuale. Si shembull jep rastin kur i përgatiste video- analizë të veçantë Albion Markut për të mbuluar Mentor Mazrekajn.
“Mënyra se si përgatisja Albion Markun për të markuar Mazrekajn. Dihet që ai ka një fluiditet për mënyrën se si driblon. Ashtu si Skuka, ka aftësi të mëdha dribluese, të fshehin topin i themi në gjuhën popullore. Unë i përgatisja videoanalizë individuale Markut, ku i tregoja që në këtë moment Mazrekaj driblon në këtë mënyrë”, ka zbuluar Dritan Mehmeti.
