Efektivi i policisë Rrugore, Florenc Bicerri raportohet se është vënë në pranga në Turqi, pasi grupit kriminal ku ai bënte pjesë i është gjetur një sasi e konsiderueshme droge.
Punonjësi i Uniformave Blu kishte fluturar nga Rinasi më 5 tetor në drejtim të Turqisë dhe mësohet se ka qenë në shoqërinë e shtetasit Kujtim Çeliku.
Ndërkohë nga policia në Stamboll si i përfshirë në organizatën ku bën pjesë Bicerri është arrestuar edhe shqiptari Adrian Qirici.
Të tre ndodhen aktualisht pas hekurave, ndërsa sa i përket Çelikut, ai rezulton të jetë i skeduar nga policia pasi është ndaluar më parë për vjedhje në vendin tonë. Gjtihashtu mësohet se në të shkuarën ai ka shërbyer edhe si komando në Forcat e Armatosura.
