Ka shkuar në 15 numri i të arrestuarve në kuadër të operacionit “Porositësi” në Durrës. Mësohet se në pranga është vënë 32-vjeçari me inicialet Z.M për armëmbajtje pa leje.
Operacioni policor “Porositësi” u finalizua më 4 tetor 2022 dhe rezultoi me zbardhjen e një sërë ngjarjesh të rënda kriminale, vënien në pranga të 14 shtetasve dhe shpalljen në kërkim të 5 të tjerëve.
“Shërbimet e Forcës së Posaçme Operacionale të Drejtorisë Vendore të Policisë Durrës, në vijim të hetimeve të thelluara në bashkëpunim me Prokurorinë pranë Gjykatës së Rrethit Gjyqësor Durrës, në kuadër të operacionit “Porositësi”, mbështetur me inteligjencë operative, bënë të mundur ndalimin e shtetasit:
-Z. M., 32 vjeç, banues në Durrës.
Nga veprimet hetimore rezulton se 32-vjeçari është autor i dyshuar për kryerjen e veprës penale “Prodhimi dhe mbajtja pa leje e armëve, armëve luftarake dhe e municionit”, në formën e grupit të strukturuar kriminal.”-njofton policia.
Materialet i kaluan Prokurorisë, për veprime të mëtejshme.
