Një përplasje e heshtur në gjirin e Partisë Socialiste që kurrë nuk kishte dalë në sipërfaqe sa muajin e fundit, ka qenë ajo mes ish-deputetit Ervin Bushati dhe kryebashkiakut të Tiranës Erion Veliaj.
Një përplasje që pikënisjen e ka patur në kohën kur Rama i besoi “Lali Erit” edhe drejtimin e degës së PS-së në kryeqytet, duke ia hequr kompetencat Bushatit.
Goditjen e fundit Bushati e mori në zgjedhjet e 25 prillit, pasi këtë herë “shpatën” e kishte mprehur Veliaj që u investua për t’i siguruar Fatmir Xhafajt, votat e nevojshme për të thyer herësin.
Dhe ish-ministri i Brendshëm ia doli që me 13450 votat e tij ta “djegë” kryetarin e PS, i cili mori vetëm 1862 vota preferenciale, duke u bërë kandidati më pak i votuar brenda 18-shes së sigurt.
Pikërisht këto histori të vjetra, duket se kanë akumuluar te Bushati një urrejtje përkundrejt Veliajt, të cilën ai nuk po nguron aspak që ta shfaqë.
Ashtu si javën e kaluar, edhe sot teksa ishte i ftuar në ABCNews, Bushati sulmoi Veliajn duke thënë se ai nuk mund t’i bëjë dot të gjitha punët dhe se në rolin e kryeministrit do të ishte një hije, duke parë punën që sipas tij ka bërë Edi Rama.
“Duhet të zgjidhet një njeri për të luftuar për Tiranën. Këtë logjikë kisha. Nuk duhet përdorur më kjo skemë. Sepse ndodhi në Shqipëri që një njeri që u bë kryebashkiak e u bë kryeministër, kjo nuk do të thotë që kjo duhet të vazhdohet. Më vjen keq se nuk ka njëri që i bën të gjitha edhe si ministër edhe si politikan. PD e kuptoj që mund të ketë një figurë politike se i shkon me lojën e tij. Por në interesin e PS, duke e ditur që do të fitojë zgjedhjet do vazhdojë ta ketë në këtë sistem”, tha Bushati.
I pyetur nëse është ai i vetmi në Partinë Socialiste që e mendon se PS duhet të dalë me një strategji tjetër dhe emër të ri për Tiranën në Lokalet 2023, ai tha se “përderisa e mendoj unë, nuk do me thënë që nuk e mendon dhe njëri tjetër”.
“Unë jam i vetmi që e them, por jo i vetmi që e mendoj. Nuk është punë pakënaqësie. Unë dua që të maksimizohej puna për Tiranën. Tani edhe për kryeministrin, edhe Veliajn ka njerëz që nuk i duan. Kush punon gabon. Se edhe sherbetin, edhe Jesusin dhe Muhametin nuk e donin të gjithë. PS nuk ka nevojë për një kryeministër hije. E ka opozita dhe mjafton. Rama është në moshë dhe ka eksperiencën e duhur. Me 3 fitore është kryeministri më i zgjedhur në historinë shqiptare, është i padiskutueshëm”, deklaroi Bushati.
BISEDA NË STUDIO:
Xhafo: Ju keni thënë Edi Rama është talent mo?
Bushati: Nuk kishte ironi. Prandaj ti e ke trajtuar si “Eposi i kreshnikëve”, është si ajo puna shtet i dobët lider i fortë. Tirana është kryeqyteti i Shqipërisë, gjysma e ekonomisë, dhe meriton të ketë një menaxher i mirë.
Xhafo: Përgjigjuni pak shkurt?
Bushati: Mos u bëj imponues, me logjikën time do vij aty.
Xhafo: Kam 20 pyetje për juve, përgjigju shkurt.
Bushati: Le të kesh 20-të, unë kësaj do i përgjigjem.
Xhafo: Çfarë ndodh që Bushati lartëson Ramën, dhe jo Veliajn. Bushati këtë e mendon i vetëm apo ka dhe të tjerë si ju?
Bushati: E ka thënë Saliu ti bëj pyetjen tënde unë jap përgjigjen time.
Xhafo: As Saliu nuk i ka bërë bisht pyetjeve në këtë studio.
Bushati: Tirana është kryeqytet i Shqipërisë që edhe po të punosh 25-së orë në 24. Tirana nëse sot nuk do të kishte probleme me ujin dritat mund të merrej si fushëbeteje politike, por Tirana është një fushëbetejë sociale. Që Tiranën do ta fitojë PS nuk ka diskutim. Ka patur një mbështetje shumë të madhe. PD-së i takon ta kthejë në referendum, ndërkohë që janë zgjedhje administrative, pasi nuk fiton qytetari i Tiranës, por as PS-së që ta kthejë në betejë politike. Këtu duhet të zgjidhjet një njeri që të bëjë më të mirën për Tiranën. Nuk është në të mirë të Endrit që Tirana të përdoret si trampolinë politike. Ndodhi në Shqipëri që një njeri punoi mirë për Tiranën dhe më pas u bë kryeministër, por kjo nuk duhet kthyer në skemë. Këtë gjë bëri dhe Basha por dështoi.
Xhafo: Veliaj ka punuar në maksimumin e asaj që meriton Tirana?
Bushati: Që të punosh 25 orë në 24 do të thotë ose të bësh njërën ose tjetër.
Xhafo: Deduktojmë që nuk ka punuar mjaftueshëm.
Bushati: Ka avantazhet e veta duke qenë figurë e lartë politike. PD-së i duhet figurë politike, edhe pse mendoj se janë djegur.
Xhafo: Nëse Rama do të mendonte për qytetarët, çfarë identikiti duhet të ketë ky person?
Bushati: Në interesin e PS-së e cila duhet të fitojë zgjedhjet në Bashkitë e mëdhaja. Aq më tepër që PD doli nga sistemi në 2019-të, nuk ka bërë atë ushtrimin tonë, ku ne dimë në çfarë ore voton.
Xhafo: E mendoni vetëm ju këtë, apo ka dhe të tjerë?
Bushati: Sigurisht që nuk jam vetëm unë. Por unë mund të jemë i vetmi që e kam thënë.
Xhafo: Ka pakënaqësi ndaj Veliajt?
Bushati: Nuk ka pakënaqësi, që Tirana do merret por që duhet të respektohen dhe qytetarët në Tiranë kjo duhet. Unë mendoj për 2025-n.
Xhafo: Rama vetë çfarë mendon në raport me lali Erin?
Bushati: Pyeteni kur të vijë. PS nuk ka nevojë për një kryeministër hije. Një parti një mazhorancë, çfarë ndodh ën Angli, në asnjë moment nuk mendohet kush është pas Liz Truss edhe pse ka 16%. Pra nuk diskutohen këto çështje. Rama është në moshën e duhur, ka eksperiencën e duhur. Rama me 3 fitore është kryeministri më i zgjedhur në historinë shqiptare.
