Mëngjesi i sotëm e ka gjetur qytetin e Durrësit të përmbytur nga reshjet e shiut.
Rrugët janë mbushur me ujë, duke shkaktuar probleme të shumta në qarkullimin e automjeteve dhe për pasojë në disa akse ka pasur trafik të rënduar.
Mjaftuan disa minuta shi gjatë mëngjesit të sotëm për të shkaktuar përmbytje në qytetin e Durrësit i cili është betonizuar nga ndërtimet pa kriter, kurse kanalizimet pothuajse gjatë gjithë kohës qëndrojnë të bllokuara.
Investimet e vazhdueshme për rikonstruksionin e akseve rrugore dhe rehabilitimin e rrjetit të kanalizimeve nuk kanë dhënë rezultatet e pritshme për qytetarët. Sa herë regjistrohen reshje intensive, Durrësi i përngjan gjithnjë e më shumë “Venecias”.
