Një 29-vjeçar dhe një 22-vjeçare, të dy me kombësi shqiptare të cilët janë paraqitur në një aeroport të vendit me pasaporta të falsifikuara janë arrestuar nga agjentët e Policisë Kombëtare në Spanjë.
Të arrestuarit, sipas raportimeve dyshohen për falsifikim të pasaportave. Policët që po kryenin kontrollin kufitar të Aeroportit, kanë konstatuar praninë e këtyre dy personave në pikën e kontrollit dhe gjatë kontrolleve kanë vënë re se vajza kishte pasaportë francezë ndërsa 29-vjeçari pasaportë austriake.
Pasi këto dokumente u verifikuan, agjentët vunë re se, megjithëse kishin fotot e udhëtarëve në fjalë, të dyja pasaportave u mungonin disa nga masat e sigurisë që garantonin origjinalitetin e tyre.
Mes sendeve që çifti mbante, u gjetën edhe pasaportat shqiptare që i korrespondonin realisht, me identitetin e tyre real që mund ta verifikonin përmes konsullatës shqiptare.
Pas arrestimit, çifti i shqiptarëve u dërguan në Komisariatin e Policisë Krahinore dhe tashmë janë vënë në dispozicion të autoritetit gjyqësor.
