Një aksident me pasojë vdekjen ka ndodhur paraditen e sotme në lagjen “Selam Musai” në Tepelenë.
Si pasojë e aksidentit, 71-vjeçarja me iniciale Z. Rr ndërroi jetë ndërsa drejtuesi i automjetit u shoqërua në ambientet e Komisariatit të Policisë Tepelenë.
“Rreth orës 13:00, në lagjen “Selam Musai”, Tepelenë, automjeti me drejtues shtetasin H. Xh., 30 vjeç, banues në Tepelenë, ka aksidentuar shtetasen Z. Rr., rreth 71 vjeçe, banuese në Tepelenë, e cila si pasojë ka ndërruar jetë në spital. Drejtuesi i automjetit u shoqërua në ambientet e Komisariatit të Policisë Tepelenë, për kryerjen e veprimeve të mëtejshme procedurale”, njofton policia.
Në vendngjarje ndodhet grupi hetimor, i cili po punon për zbardhjen e shkaqeve të aksidentit.
