16-vjeçari Mariglen Gjonaj, u zhduk në rrethana misterioze në maj të vitit 2015, dhe familjarët nuk dinin asgjë për fatin e tij.
Policia e Lezhës njoftoi dje se ka zbardhur vrasjen e Mariglen Gjonaj dhe ka arrestuar vrasësin e tij i cili dyshohet se është Kristjan Cenaj, 30 vjeç.
Ekspertiza mjekoligjore, ka zbardhur detaje të reja lidhur me vdekjen e 16 vjeçarit.Sipas ekspertizës, vrasësi Kristjan Cenaj i cili e vrarë 16 vjeçarin për t’i grabitur orën rolex dhe një varëse, e ka goditur më parë Gjonajn me sende të forta në kokë duke i shkaktuar dëmtime në kafkë.
Cenaj po mbahej në vëzhgim që prej muajit gusht ndërsa u arrestua ditën e djeshme në Rinas pasi u kthye nga Italia.
