Deputeti i Partisë Demokratike, Ervin Salianji, ka postuar një videomesazh, në lidhje me numrin e lartë të azilkërkuesve shqiptarë që dynden drejt Britanisë së Madhe, por që rrezikojnë të deportohen drejt Ruandës.
Përmes një postimi në rrjetin e tij social ‘Facebook’ nga qyteti Kigali i Ruandës, Salianji akuzon qeverinë Rama se nuk ka asnjë plan për shqiptarët që rrezikojnë të deportohen drejt këtij vendi.
Postimi:
Skenari i rrezikshëm që kërcënon shqiptarët që nisen drejt Britanisë në mënyrë të paligjshme
Sekretarja e Brendshme Sulla Braverman u shpreh në konferencën e partisë konservatore se lufta ndaj emigracionit të paligjshëm ishte prioritet, do të ishte “ëndrra” e saj të shihte një foto të një avioni që çonte azilkërkuesit në Ruandë shkruan mediat britanike. Burimet qeveritare dhe mediat në Britani kanë ngritur prej muajsh shqetësim serioz mbi kalimin e paligjshëm të qytetarëve shqiptarë drejtë Britanisë!
Qeveria nuk ka reagim, nuk ka asnjë plan!
Qytetarët meritojnë të jetojnë me dinjitet në vendin e tyre dhe në çdo rast duhet të aplikojnë për viza të rregullta!
