Përfaqësuesja shqiptare do të njohë sot në orën 12:00 kundërshtarët e saj në kualifikueset e Euro 2024, në shortin që do të hidhet në Frankfurt. Kuqezinjtë janë në vazon 3 të shortit ku bëjnë pjesë edhe shumë ekipe të tjera të forta.
Por sipas lexuesve të faqes zyrtare të UEFA-s, Shqipëria është një prej skuadrave që duhet shmangur në vazon 3. UEFA ka publikuar një sondazh rreth kësaj teme dhe ekipi i parë që duhet shmangur është Norvegjia e Haaland që ka marrë 30% të votave. Në vend të dytë është Ukraina me 24% të votave e më pas Suedia me 16%.
Vendi i katërt është i Shqipërisë me 8% të votave, duke lënë pas Skuadra si Rumania, Sllovenia, Irlanda, Islanda, Armenia dhe Mali i Zi.
