Ajo është një nga reperët më të dashura të publikut, teksa me hitet e saj mbushen plot e përplot klubet e natës dhe diskotekat në verë dhe në dimër.
Po flasim për këngëtaren nga Kosova, Melinda Ademi, e cila kujdeset që të jetë gjithmonë në vëmendjen e publikut, qoftë me look-un e saj tërheqës e qoftë me muzikën që sjell.
Por, ditën e sotme Melinda ka rrëmbyer vëmendjen me makinën e saj.
Ylli i skenës nëpërmjet postimeve në Instagram ka njoftuar se koleksionit të makinave që posedon i ka shtuar edhe një Audi A8L 5.0 TDI të vitit 2022.
Një makinë që kushton jo më pak se 88 mijë euro, të cilën këngëtarja ka zgjedhur t’ia bëjë dhuratë vetes si shpërblim për suksesin që ka arritur në muzikë.
Ndërkohë, së fundmi Melinda ka publikuar edhe hitin “Milano” në bashkëpunim me reperin Finem, këngë e cila u prit shumë mirë nga fansat e të dyve.
