Partia e Lirisë vazhdon angazhimin e saj në terren, në një kohë kur duket se forcat politike po testojnë veten duke nisur më herët seç pritej fushatën elektorale për zgjedhjet lokale të verës së ardhshme.
Me shqiptarët që e kanë “shkelmin në fyt” nga qeveria me çmimet e larta të karburantit, shtrenjtimin e energjisë dhe shportës së ushqimeve bazë në një kohë që pagat qëndrojnë në vend, Meta ka dalë në takime me qytetarët për të kanalizuar mbështetjen e tyre drejt opozitës.
Këtë të diel kreu i PL është ndalur në Durrës, ku ka zhvilluar një takim me të rinjtë e qytetit bregdetar, për të cilin thekson se po pret me padurim një ndryshim.
Takimet e Metës në terren vijnë vetëm pak javë pasi u kërkoi të gjithë strukturave të PL-së të organizohen në aksionin e tyre opozitar, duke denoncuar çdo problematikë të qytetarëve.
“Kënaqësi të dëgjoja mendimet dhe idetë e të rinjve dhe drejtuesve të Partisë së Lirisë të Durrësit. Gati për ta nisur javën me energji të reja! Durrësi i paduruar për Ndryshim!”, shkruan Meta.
