Një tragjedi ka ndodhur në një familje shqiptare, me banim në Lefkadha të Greqisë. Mediat helene raportojnë se fëmija i tyre 4 vjeç ka ndërruar jetë, pasi është aksidentuar nga një traktor.
Fatkeqësisht mjeti bujqësor drejtohej nga babai 30-vjeçar i fëmijës, i cili ka humbur kontrollin duke dalë nga rruga dhe ka plagosur për vdekje vogëlushin.
Ngjarja mund të kishte përfunduar me më shumë viktima, pasi në traktor gjendej edhe nipi i shoferit shqiptar, 16 vjeç, i cili është plagosur, por fatmirësisht ndodhet jashtë rrezikut për jetën.
Mediat greke raportojnë se pas njoftimit për aksidentin, në vendngjarje janë nisur me urgjencë dy autoambulanca, por për fat të keq nuk kanë mundur që të mbajnë në jetë 4-vjeçarin.
Sakaq, shoferi është shoqëruar në polici pas ngjarjes, ndërsa ditën e sotme është lënë i lirë.
