Rritja e çmimit të naftës një ditë më parë, duke shkuar 245 lekë për litër, ka sjellë reagime nga politika.
Deputeti i Partisë Demokratike, Ervin Salianji, shprehet se bordi i qeverisë është garanci e abuzimit me çmimet e karburanteve, ndërsa u ka bërë thirrje qytetarëve që të ngrihen në protestë.
“Qytetarët vazhdojnë të paguajnë çmimin më të lartë të karburanteve në rajon dhe ndër më të shtrenjtët në botë, qeveria të vetmin kujdes ka të mbrojë oligarkët nëpërmjet bordit dhe favorizimeve të tjera si kontrabanda! Nga rritja pa limit e çmimit po pasurohet qeveria, po pasurohen oligarkët dhe po varfërohen përditshëm qytetarët! Kontrabanda e naftës ndërkohë rritet proporcionalisht me rritjen e çmimit, së paku tre herë anijet nga një vend nën embargo si Libia kanë zbarkuar në Shqipëri! Protesto!”, shkruan ai.
