Pasditen e sotme është zhvilluar në Gjykatën e Durrësit, seanca gjyqësore për 14 të arrestuarit e të martës dhe vëllezërit Beqiraj, të cilët dyshohet të jenë pjesë e një grupi killerash, që kanë marrë pjesë në disa atentate, ku më i rëndi ishte “Maskara e Don Boskos”.
Grupi në fjalë u zbulua pas “zbërthimit” nga ana e hetuesve të dy vëllezërve Indrit dhe Gentian Beqiraj, të cilët u arrestuan pasi denoncuan një tentativë pengmarrje nga ana e grupit të “Rrumit të Shijakut, për të cilin do të paguheshin edhe për t’i organizuar një atentat.
Fillimisht kanë qenë 12 të arrestuar në sallë, ndërsa vëllezërit Beqiraj për arsye se kanë kërkuar edhe statusin e “pentitos”, pra të të penduarit të drejtësisë, masa e sigurisë iu është komunikuar më vonë.
Mësohet se gjykata e Durrësit ka vendosur për burg pa afat për dy vëllezërit.
