Një sherr brenda një berberhane ka degjeneruar në përdorimin e thikës në Vlorë. Mësohet se tre persona kanë mbetur të plagosur, në ngjarjen e rëndë që ka ndodhur në lagjen “Lef Sallata”,pranë shkollës “24 Maji”.
Autori i plagosjes është Nexhit Hyskaj, 40 vjeç, i cili më pas ka goditur me thikë edhe veten. Ndërkohë dy të plagosurit e tjerë janë Kevin Nuredini, 23 vjeç dhe Ervis Sejko, 35 vjeç, punonjës të berberhanës.
Menjëherë pas ngjarjes, policia ka bërë të mundur arrestimin e autorit dhe forca të shumta të Uniformave Blu ndodhen në vendngjarje për të bërë të mundur zbardhjen e shkakut të ngjarjes.
Njoftimi i policisë:
Më datë 06.10.2022, rreth orës 20:40, në lagjen “Lef Sallata”, pranë shkollës “24 Maji”, dyshohet se shtetasi M. A, si pasojë e një konflikti të çastit, ka goditur me mjet prerës (thikë), shtetasit E. S., 35 vjeç dhe K. N., 23 vjeç, të dy banues në Vlorë, të cilët ndodhen në spitalin e Vlorës, nën kujdesin e mjekëve.
Shërbimit e Policisë kanë kapur menjëherë autorin e dyshuar, shtetasin M. A., 40 vjeç, dhe e kanë transportuar për ndihmë mjeksore.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
