Ministri i Shëndetësisë së Kosovës, Rifat Latifi ka dhënë dorëheqjen nga detyra.
Ditën e sotme ai i ka dorëzuar kërkesën e dorëheqjes kryeministrit Albin Kurti, teksa ishte vendosur prej emërimit në detyrë në qendër të kritikave nga opozita dhe shoqëria civile për udhëtimet e shpeshta jashtë vendit si dhe neglizhim të punës.
Kurti e kishte emëruar doktor Rifat Latifin ministër të Shëndetësisë, pas dorëheqjes së Arben Vitisë, për shkak të angazhimit të tij si kandidat për kryetar të Komunës së Prishtinës.
Rifat Latifi ka qenë i angazhuar me detyrë publike edhe më herët, pasi në 2009 ishte emëruar këshilltar për Shëndetësi i kryeministrit të asaj kohe, Hashim Thaçi.
