Bardhi Brahimaj ka humbur jetën ditën e djeshme në Como të Italisë pasi një sasi e madhe dherash i ra përsipër, teksa punonte për gërmimin e tokës në një kantier ndërtimi.
Pavarësisht ndërhyrjes së zjarrfikësve, 40-vjeçari, gjeti vdekjen në vendin e ngjarjes.
Brahimaj, punonjës i Comedil Mangino të Olgiate Comasco, po punonte brenda gropës kur masa e tokës u shkëput.
Tashmë do duhet të kryhen hetime dhe rindërtime të mëtejshme për të kuptuar se si ajo situatë e rrezikshme ka dalë jashtë kontrollit.
Sipas IlGiorno.it zjarrfikësit e Appiano Gentile dhe Como ndërhynë menjëherë në vendngjarje për të pastruar gropën duke nxjerrë jashtë saj Brahimajn, e pajetë.
Brahimaj jetonte i vetëm në Lurate Caccivio , dhe nuk kishte të afërm në Itali, vetëm një vëlla me banim në Zvicër.
