“Duhet një vëmendje e madhe e opozitës në Tiranë në mënyrë që ta çlirojë kryeqytetin nga ajo armatë e madhe që më tepër i shqetësojnë qytetarët shqiptarë sesa ju vijnë në ndihmë atyre”. Kështu u shpreh Nard Ndoka, kryetar i Partisë Demokristiane gjatë një interviste për Ora News.
Gjithashtu ai foli dhe për konfliktin që sipas tij ekziston mes Ramës dhe Veliajt duke u shprehur se është një duel i heshtur.
“Grupi Ali-Basha ka mbetur një sekt pa peshë në jetën politike. Është një grup deputetësh i caktuar nga Basha në forma dhe mënyra më të ndryshme. Për mua mbetet politikani më zhgënjyes në politikën shqiptare. I ka krijuar një kosto shumë të madhe PD, opozitës, vendit dhe pluralizmit. Një lider që në aktivitetin e tij politik dolën shumë hije, këto dolën në etapa të ndryshme. Koha vërtetoi dyshimet tona. Ka marrë vendimmarrje që i kanë kushtuar shumë institucioneve dhe vebdit duke na mashtruar dhe ne. Ndjehem dhe unë fajtor që nuk arrita ta njoh mirë zotin Basha. Është e trishtueshme që ky person vazhdon të jetë problematik për opozitën pavarësisht se fshihet, nuk nxjerr kokën por sejmenët e tjerë. Mendon se opozita mbahet duke bërë foto me një ambasador apo tjetër. Opozita është frymë, institucion, garanci dhe besim. Basha si ka asnjë prej tyre”, tha Ndoka.
I pyetur si i besuan në aq vite, ai jep këtë përgjigje: “Nuk i besuam ne por si i besuan anëtarët e PD? Ne kemi qenë mosbesues për zotin Basha në vazhdimësi”.
