Një aksident i rëndë ka ndodhur mëngjesin e sotëm në aksin Burrel-Rrëshen.
Bëhet me dije se një automjeti tip “Passat” u përplas me një kamion në vendin e quajtur “Pujkë”.
Të dy automjetet po lëvizin në drejtim të Burrelit kur mjeti veturë goditi nga pas kamionin. Si pasojë e goditjes së fortë janë dëmtuar të 5 personat që ndodheshin në autoveturë.
Ata janë dërguar me autoambulancë në spitalin e Burrelit për të marrë ndihmën e parë, ndërsa drejtuesi i mjetit dhe pasagjerja në vendin e parë janë transportuar drejt spitalit të traumës në Tiranë në gjendje më të rëndë.
Grupi hetimor mbërriti në vendin e ngjarjes për të zbuluar shkaqet e aksidentit.
