Mediat greke kanë zbardhur detaje të reja nga tentativa e një 33-vjeçari shqiptar për të djegur të gjallë ish-bashkëshorten e tij greke në qytetin e Korintit.
Gjithçka ka ndodhur në orët e para të së mërkurës së kaluar kur 33-vjeçari ka shkuar me makinën e tij drejt shtëpisë së ish-bashkëshortes dhe me dhunë e ka marrë atë Brenda, për ta dhunuar duke e goditur me grushte në kokë dhe trup.
“Më kapi nga koka dhe po më godiste në xhamin e makinës dhe në kroskot”, ka përshkruar viktima në polici kur ka denoncuar 33-vjeçarin.
Më pas ish-burri i saj tentoi ta zhvishte me forcë dhe kur ajo rezistoi, ai mori një çakmak dhe i vuri zjarrin flokëve. Ankthi për 28-vjeçaren megjithatë nuk mbaroi me kaq, pasi 33-vjeçari e tërhoqi zvarrë në shtëpinë e prindërve të tij në Korint, ku më pas e përdhunoi.
28-vjeçarja nënë e dy fëmijëve ka shkuar në spital me lëndime të rënda në fytyrë dhe rrezikon një shkëputje të retinës.
Duket se shkak për dhunën e paprecedntë që ka ushtruar 33-vjjeçari shqiptar është bërë festa e pagëzimit të vajzës së tyre 2 vjeçe.
I pandehuri e ka dhunuar ish-bashkëshorten në mënyrë që ajo të mos merrte pjesë në ceremonine e pagëzimit që ishte caktuar për të dielën.
28-vjeçarja kishte zgjedhur vëllain e saj si kumbar të fëmijësm ndërsa 33-vjeçari e urrente kunatin e tij, pasi ishte ai që i kishte kërkuar ish-bashkëshortes të bënte kërkesën për divorc me te, kur e kishte parë teksa e dhunonte.
Autori nuk dinte detaje të misterit pasi çifti nuk komunikonte shpesh. Mirëpo, sapo ka marrë vesh për kumbarin, është inatosur dhe ka shkuar për ta përdhunuar dhe vrarë nënën e dy fëmijëve të tij.
Siç tregoi 28-vjeçarja, në fakt kjo nuk ishte hera e parë që ajo ishte viktimë e abuzimit nga bashkëshorti i saj i larguar, i cili në mëngjesin fatal e kërcënoi se do ta hidhte nga ura.
