Krerët e partive politike kanë mbërritur ditën e sotme në Presidencë për tu takuar me Bajram Begajn ku në fokus të bisedimeve do të jetë data e zgjedhjeve lokale të 2023.
Bëhet me dije se kreu i Partisë Republikane Fatmir Mediu, kreu i PBDNJ-së, Vangjel Dule, Agron Duka i Partisë Agrare Ambientaliste dhe Dashamir Shehi i Lëvizjes për Zhvillim Kombëtar, janë parë teksa futen në Presidencë.
Më herët, Begaj u takua me kreun e Partisë së Lirisë, Ilir Meta dhe me nënkryetarin e Partisë Demokratike, Oerd Bylykbashin. Kurse ditën e djeshme Begaj priti në Presidencë Edi Ramën.
