Mesditën e së martës ka ndodhur një aksident i rëndë në aksin Kardhiq-Delvinë.
Sipas njoftimit të policisë, një shofer raportohet se ka humbur kontrollin e motomjetit dhe për pasojë ka dalë nga rruga në vendin e quajtur Fushë-Verri. Përplasja ka rezultuar fatale duke i marrë jetën drejtuesit të motomjetit, shtetasit me inciale E.N (42 vjeç).
“Rreth orës 14:00, në aksin rrugor Kardhiq-Delvinë, në vendin e quajtur Fushë-Verri, shtetasi E. N., 42 vjeç, duke drejtuar motomjetin, dyshohet se ka humbur kontrollin dhe motomjeti ka dalë nga rruga. Si pasojë e aksidentit shtetasi E. N, ka ndërruar jetë, në vendngjarje”, njofton policia.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
