Sekretari i Përgjithshëm i Partisë së Lirisë, Tedi Blushi, i ftuar në Euronews Albania, tha se Ministria e Mbrojtjes do të shpenzojë 600 mijë euro për shërbime çlodhjeje për strukturat në varësi.
“Skandali qëndron se në këtë kohë krize, qeveria po vazhdon të bëjë shpenzimet e luksit, me tenderin e fundit të Ministrisë së Mbrojtjes, lidhur me një shërbim për aktivitet çlodhjeje për strukturat në varësi të ministrisë.
Në këtë periudhë krize, ministri Peleshi ka ndërmend të shpenzojë 600 mijë për shërbime çlodhjeje. Kjo nuk ka logjikë”, tha ai.
Ai theksoi se tenderat fitohen nga klientë të qeverisë dhe se fituesi i tenderit të ministrisë së Mbrojtjes do të jetë një mik i Niko Peleshit.
