Sekretari i Përgjithshëm i Partisë Demokratike, Flamur Noka ka akuzuar sot paraardhësin e tij në detyrë Gazmend Bardhi se së bashku me ish-kryetarin Lulzim Basha kanë vendosur gjoba ndaj oligarkëve në vend.
“Ata oligarkë që ti mendon se i sulmon Gaz Bardhi, jam unë dëshmitar që u rrinte mbas dere me Lulzim Bashën, me dorën shtrirë për të mbushur thesin”, tha Noka.
Sipas Nokës kur Basha dhe Bardhi bënin sikur i sulmonin oligarkët, ata merrnin para prej tyrem ndërsa Partia Demokratike pas rikthimit të Sali Berishës ka goditur çdo aferë korruptive të qeverisë që lidhet me klientët e saj.
“A doje të ta them unë? Ke parë një aferë, që kur u ul në atë karrige Sali Berisha, oligark apo jo oligark, që të mos jetë sulmuar dhe të jetë në qendër të sulmeve të opozitës? Që nga data 25 mars, që Sali Berisha ka hyrë në atë seli dhe u bë kryetar partie në këto 4 muaj, që është bërë një aferë dhe është sulmuar ajo aferë dhe është sulmuar nga të tjerë përveçse nga Sali Berisha? Nuk është heshtur”, u shpreh ai për EuroNeës.
