Një çift që qëndronte në një hotel në fshatin Kassandra në Halkidiki kanë gjetur një kamerë të fshehtë vëzhgimi në dhomën e tyre që i regjistronte momentet e tyre private.
Çifti ka vënë re kamerën e fshehtë më 29 shtator dhe të nesërmen ka denoncuar pronarin në Polici.
Në një hetim të kryer nga autoritetet, u zbulua se të paktën dhjetë çifte të tjera ishin regjistruar vetëm në këtë dhomë, ndërsa kamerat ishin në të gjitha dhomat e akomodimit.
Sipas GRTimes.gr, pronari i hotelit ka dhënë një deklaratë në policinë e Kasandrës dhe më pas është liruar, shkruan protothema.
Burri ka theksuar në dëshminë e tij se po regjistronte momentet private të qiramarrësve për përdorim personal.
