Ish-drejtues i Krimeve të Rënda, Eugen Beçi teksa ka folur për sulmet kibernetike ka ka paralajmëruar se nëse të dhënat e sistemit “Memx” bien në duar të gabuara atëherë do të krijohet një kaos social.
I ftuar në “Open”, Beçi, pohoi se nga ato që ka parë, nuk mendon se lista është pjesë e MEMEX, pasi sipas tij në këtë sistem ruhen të dhëna tepër të ndjeshme.
“Në rast se sistemi është hakeruar, ne duhet të përgatisim publikun çfarë na pret dhe si të ruhemi. Sistemi MEMEX shpesh ruan edhe të dhëna të skanuara, në rast se del në njerëz të gabuar, do krijojë kaos social, grupet kriminale janë të skeduar në MEMEX, me prova të skanuara, të gjitha këto e bëjnë këtë një sistem shumë delikat për të dalë në terren, duke parë ato që kanë dalë sot, mendoj se nuk është MEMEX…”, tha Beçi.
Publikimi i të dhënave nga sistemi MEMEX ditën e sotme, ka ngritur një valë të madhe reagimesh, ndërsa policia dhe ministri i brendshëm ka deklaruar se kjo listë nuk është pjesë e këtij sistemi dhe se nuk janë publikuar të dhëna sensitive.
