Ditën e sotme në rubrikën “N’trotuar” në emisionin “E Diell” u diskutua tema: “Lufta e programeve, çfarë do publiku”. Në studio ishin të ftuara disa nga konkurrentet e reality shoë-t, “Kepi i Tundimeve”.
Në studio ishte Efi, e cila u shpreh se në momentin që bëhesh personazh i njohur, njerëzit automatikisht të gjykojnë.
“Njerëzit automatikisht ta vënë pullën ty, sado i zakonshëm të jesh, gjithsesi çfarë të duket vetja ty ta thonë. Unë jam nga ata njerëzit që nuk kam ndryshuar fare, por e vë re te të tjerët që gjëja e parë që më thonë “çfarë të duket vetja ty?”. Automatikisht sa bëhesh personazh publik, ata e kanë në trurin e tyre”, tha Efi, e cila gjithashtu ka qenë edhe pjesë e “Për’puthen”.
Në këto momente ndërhyn gazetari i njohur, Bledi Mane, i cili i thotë të ‘shijojë jetën’ dhe të ‘mos shqetësohet nga komentet e njerëzve’.
“Dikur në kryeqytet ka qenë një shprehje fyese ‘ty të tregon Tirana me gisht’ dhe erdhi koha që njerëzit të paguajnë që Tirana t’i tregojë me gisht.
Vazhdoni, menaxhoni famën, bëni lek, shijoni jetën. Se çfarë thonë njerëzit në një koment, dijeni se në orën 22-23 me ju masturbohen në ekrane”, tha Mane.
