Sekretari i Partisë së Lirisë, Tedi Blushi ka reaguar në rrjete sociale pas raportit auditues të KLSH-së, mbi abuzimin skandaloz me fondet e ushqimit të fëmijëve të jetimores ‘Zyber Hallulli’.
Skandali sa vjen e zmadhohet pasi drejtuesit e shtëpisë së fëmijëve jetim nuk hapin derën dhe për njerëzit që po sjellin ndihma vullnetarisht.
Postimi i Blushit:
“Jetimëve që u vjedhin “kafshatën”, po u mohojnë edhe ndihmat e qytetarëve!
Nuk është filmi “Lulekuqe mbi mure”. Është historia e trishtë e jetimëve në qendrën sociale “Zyber Hallulli” në zemër të Tiranës, në vitin 2022.
Kjo është fytyra e vërtetë antisociale, e pashpirtësisë dhe e babëzisë së Qeverisë së Edi Ramës, që pasurohet dhe lumturohet mbi vuajtjen e jetimëve!”
