Një tjetër foto e papublikuar më parë e Ervis Martinajt është shfaqur së fundmi në rrjetet sociale dhe disa portale.
Kjo është foto e dytë rresht, që publikohet pas zhdukjes së Martinajt, një nga emrat më të përfolur të botës së krimit në Shqipëri. Për jetën private të tij, por edhe fotografitë e Martinajt kanë qenë të pakta, dhe publikimi i tyre në mes të teorive për zhdukjen e tij e bën edhe më të mistershme situatën.
Si foto e parë, edhe fotografia e dytë është “selfie”, që do të thotë se Martinaj ka fotografuar veten. Vendi dhe koha nuk dihen, megjithatë në pamje dallohet se është e viteve të fundit, e realizuar gjatë vjeshtës, mendohet jashtë shtetit.
Në krahun tjetër policia ende nuk ka reaguar zyrtarisht, ndërsa kryeministri Edi Rama ka thënë se uniformat blu do të japin detaje kur të kenë prova dhe fakte.
