Bylis ka fituar ndaj Erzenit, teksa e mposht 4-1 në stadiumin “Adush Muça”.
Në fillimin e takimit, ballshiotët vendas marrin epërsinë. Një krosim fantastik gjen Lajthinë, i cili me kokë nuk fal.
Në minutën e 23-të, po në zhvillimet e një goditje këndi vjen dyfishimi i rezultatit. Kaçorri përfiton pas një rrëmuje në zonë, duke çuar në festë tifozërinë. Erzeni vuajti dukshëm me topat nga ajri, teksa pëson edhe të 3-tin (58’). Portieri Xhika nuk arrin të zotërojë një top që vjen prej një krosimi, me Bejin që e ka lojë fëmijësh të “tundë rrjetën”. Ekipi nga Shijaku “zgjohet” në minutën e 71-të me Enck, por tepër vonë, pasi fati i takimit ishte i vendosur tashmë. Në fund pati kohë edhe për Souzan.
Pas gjashtë javësh kampionat, Bylis dhe Erzenit kanë të njëjtën kuotë pikësh (11 pikë / 11 pikë) dhë zënë përkatësisht vendi ne dytë dhe të 3-të.
