Pas nënshkrimit të marrëveshjes për aneksimin e katër rajoneve të Ukrainës, ka reaguar edhe presidentja e KE, Ursula von der Leyen.
“Aneksimi i paligjshëm i shpallur nga Putin nuk do të ndryshojë asgjë. Të gjitha territoret e pushtuara ilegalisht nga pushtuesit rusë janë tokë ukrainase dhe do të jenë gjithmonë pjesë e këtij kombi sovran”, ka thënë ajo.
“Rusia rrezikon sigurinë globale “, theksojnë anëtarët e Këshillit Evropian, duke nënvizuar se ata kundërshtojnë dhe dënojnë pa mëdyshje aneksimin e paligjshëm të Rusisë të rajoneve Donetsk, Luhansk, Zaporizhia dhe Kherson .
Në të njëjtën kohë, ata nënvizojnë se duke pasur parasysh luftën e agresionit të Rusisë, si dhe përshkallëzimin e fundit të Moskës, Bashkimi Evropian qëndron me vendosmëri në anën e Ukrainës dhe popullit të saj.
