Një aksident me pasojë vdekjen ka ndodhur mëngjesin e sotëm në Roskovec.
Mësohet se një autobus është përplasur me një motor dhe për pasojë ka humbur jetën drejtuesi i motori.
Bëhet me dije se viktimë ka mbetur 80-vjeçari me inicialet I. C.
Njoftimi i policisë:
Sot, rreth orës 09:30, në Kurjan, Roskovec, shtetasi I. M., 56 vjeç, banues në Vlosh, duke drejtuar automjetin tip “Autobus”, është përplasur me motomjetin me drejtues shtetasin I. C., 80 vjeç, banues në Roskovec, i cili ka ndërruar jetë.
Nga pasagjerët në autobus, nuk ka të lënduar.
Shtetasi I. M. është shoqëruar në Komisariat dhe po kryhen veprimet procedurale.
Grupi hetimor po punon për zbardhjen e rrethanave të aksidentit.
