Ka nisur seanca për vlerësimin e masave të sigurisë ndaj 18 punonjësve të burgjeve të Fierit, ndaj të cilëve rëndojnë akuzat për shpërdorim detyre dhe falsifikim dokumentesh.
18 të akuzuarit do dalin përpara gjykatës për t’u njohur me akuzat dhe masën që do caktohet ndaj tyre.
Seanca po mbahet në gjykatën e Tiranës dhe me dyer të mbyllura.
Referuar dosjes dyshohet se në bashkëpunim me njëri-tjetrin si dhe disa shtetas të tjere të dënuar, këta shtetas kanë kryer veprimtari të paligjshme, ndërsa janë konstatuar gjithsej 54 shkelje.
Sipas dosjes hetimore, disa nga shkeljet ligjore që janë konstatuar, kanë të bëjnë me dhënie të aministisë, vlerësime fiktive të sjelljes, dorëzimi i dokumentave të rreme në gjykatë dhe dhënie ditësh, ulje dënimi shtesë me argumentim se kanë punuar etj.
