Një plantacion kanabisi është zbuluar në një fushë në Señorío de Molina, ndërsa Garda Civile në Guadalajara ka arrestuar dy shqiptarë përgjegjës për mbjelljen e bimëve.
Ky plantacion përmbante 1330 bimë marijuanë, që të arrestuarit i kultivonin në një vend midis Megina dhe Chequilla, në afërsi të lumit Cabrillas.
Të arrestuarit janë 2 shtetas shqiptarë, një 40-vjeçar dhe një 51-vjeçar. Ky i fundit ka mundur të arratiset në këmbë dhe të fshihet deri të nesërmen kur u gjet nga forcat e policisë.
Terreni ku kultivuesit kishin zgjedhur të rrisnin bimët mund të arrihej vetëm duke ecur në këmbë, pasi sipas autoriteteve ishte shumë i pjerrët dhe i vështirë për t’u aksesuar.
Sakaq, të arrestuarit do të përballen me drejtësine spanjolle për 2 akuza, kultivimin e lëndëve narkotike dhe krim kundër shëndetit publik.
